اللي بيعرف يتفاوض مبيقولش «ياريتني»

«كتاب ممتاز أسلوبه سهل جدا ولغته بسيطة، مناسب لناس كتير بيستصعبوا القراءة.
الأمثلة واقعية ومرتبطة بحياة الناس اليومية وبالتالي المعلومة بتوصل أسهل وأوضح.
مغطي أجزاء كبيرة من مهارة التفاوض فعدد صفحات قليل.»

— محمد فاروق، مسؤول مبيعات وخدمة عملاء

لو دخلت على أمازون وكتبت "negotiation books" هيطلعلك ٦٠٠٠ نتيجة.وسط كل المصادر دي فيه كمية معلومات ضخمة عن التفاوض. لو بتعمل دكتوراة في الموضوع هتحتاج تعرفها.أما لو عايز تعرف إزاي تتكلم في حقك وتوصل لاتفاق مُرضي ليك، يبقى جزء كبير من المعلومات دي هيضيَّع وقتك ومش هيفيدك.عشان كده في الكتيب ده هتتعلم مهارات عملية مُختارة من أفضل الكتب في مجال التفاوض. من غير حشو.

من غير حشو

اتعلم إزاي تاخد اللي أنت عايزه من أي اتفاق في ٦١ صفحة بس

الحاجة الوحيدة اللي تستحق إنك تدور على تفاصيل التفاصيل فيها هي مجالك.أما التفاوض، فمش هتحتاج منه غير القدر الكافي اللي يخليك قادر تاخد اللي أنت عايزه، من غير ما تضيَّع وقتك.في الكتيب ده اختصرنا على قد ما نقدر عشان عارفين قيمة وقتك كويس. ولإننا شايفين إن التفاوض بالنسبالنا مجرَّد أداة مش غاية في حد ذاته.

في مفيش

متضيعش وقت التطوير وخليه لمذاكرة مجالك

حتى لو ربَّطنا بين معلومات مهمة من كتب أجنبية، بيكون صعب إنها تتفهم لو استخدمنا نفس الأمثلة لإنها من ثقافة مختلفة.عشان كده الكتيب طابعه مصري خالص. كل الأمثلة اللي فيه بتشوفها خلال يومك في الشارع والمكتب والبيت.

مهارات عالمية. بأسلوب مصري.

افهم التفاوض بأمثلة من شارعنا

«أهم شئ بيميز الكتاب إنه بيدمج بين الأسلوب النظري وبين السياق الدرامي العملي فتحس إنك بتقرأ أفكار أشخاص تانيين والحقيقة إنها أفكارك أنت وأسئلتك أنت. دي نقطة بتخليك منتبه من أول كلمة لآخر كلمة.وأسلوب ابراهيم مبسط وسهل جدا في شرح وتوضيح المعلومة..»

— سارة عزب، مؤلفة رواية غريزة القرنفل

لمين؟

✦ لو بتحتاج تتفاوض سواء على وظيفة جديدة أو اتفاق مع عميل أو حتى بيع وشرا لأي حاجة ومش حابب يضِّحك عليك.✦ لو عايز تستثمر الجزء الأكبر من وقتك في تطوير نفسك في مجالك. بس في نفس الوقت مش عايز تبقى أبيض في مهارات أساسية زي التفاوض.✦ لو جرَّبت قبل كده تتعلم أساسيات التفاوض من فيديوهات أو ملخصات كتب، بس محستش إنك طلعت بحاجة ملموسة تقدر تطبقها.

مش لمين؟

لو الحاجات الجاية مجتمعة فيك فالكتيب ده مش ليك:✦ الإنجليزي بتاعك عالي وبتقرأ ٣ كتب أو أكتر في الشهر.✦ طوَّرت نفسك في مجالك وعندك وقت فاضي كتير (٦ شهور فما فوق) هتقرأ فيه عن التفاوض.✦ عندك إلمام بالإنتاج المعرفي في علم التفاوض وهتقدر تختار الكتب المناسبة من غير تضييع وقت.✦ بتحب المعلومات النظرية وبتفضَّلها على المهارات العملية.

✦ عقلية المتفاوض الناجح✦ إزاي تجهز لأي تفاوض✦ إزاي تهندل بنود الاتفاق✦ إزاي توظَّف نقط ضعفك في مصلحتك✦ إزاي تخلي الطرف التاني يشارك معاك معلومات مهمة✦ نبرات الصوت المختلفة اللي هتحتاجها خلال التفاوض✦ ليه «لأ» ساعات بتكون أفضل من «أيوه» و«ماشي»✦ ٣ أساليب مختلفة للتفاوض على السعر✦ إزاي تقفِّل التفاوض بنجاح

من الحاجات اللي هتتعلمها في الكتيب:

تقدر تبعتلنا إيميل على [email protected] وتقولنا إنك عايز تسترجع فلوسك عشان الكتيب مش مناسب ليك.مش محتاج تبرر أي حاجة. لكن لو قولتلنا إيه اللي معجبكش وإزاي نحسِّن الكتيب في المستقبل هتكون أكرمتنا!

ضمان استرجاع فلوسك بالكامل

على الرغم من أسلوب الكتاب البسيط والسهل، دا مخلّش بعمق أفكار الكتاب، واللي بيتميز بالوضوح والسلاسة. وعلى عكس كتب كتير في نفس الموضوع، محمد إبراهيم قدر يوصل الأفكار دون إطالة بلا جدوى، ودون اختزال مُخل، ويوضحها من خلال الاستشهاد بأمثلة يومية من الحياة المعاشة.والأهم من كدا، الكتاب عملي جدًا وبعيد عن التنظير، ومشتبك مع الواقع في كل صفحاته.وعلى الرغم من إن الكتاب يمكن تصنيفه في فن التفاوض، قدر الكاتب يصيغ عناصره «العلمية» في قالب منطقى مُنَظم، وقدر يحقق الفائدة العملية المرجوّة مع حفاظه في نفس التوقيت على طابع الحكي، واللي أكسبه مزيد من السلاسة، وأبعده عن الملل المرتبط عادةً بالنوعية دي من الكتب.

— محمد النحاس، صحفي